與房協職員對答技巧

今日終於同房協既物業發展部電話交鋒 , 最後又係攪到我發晒火咁o趙佢
綜合各位C Hing 既經驗 , 加上今日本人既經驗 , 發覺佢地答問題係有一定要公式 , 既然你有Template , 我地點會無呀 ?

另外 , 同佢地對答 , 最緊要惡 同埋要快過佢講 , 令佢知道我地係知道佢地既答覆 , 我地係唔會接受既!

牆身不平 , 空心磚 等預左唔整 , 無同佢嘈

室內水閘總制

佢基本上得三個答案 :

1) 水閘總制上面有二個蛋型制係可以關左廚房洗手盤既水


or


2) 水閘總制係擰盡左都係有水流既


or


3) 水閘總制其實用黎控制出水量 (呢個係我聽過最滑稽既答案)
當佢一提到 室內水閘總制 , 佢第一句想開口 , 我已經叫停佢.

我 同佢講 :

"我知你會同我講乜 , 一係話上面有二個蛋型制係可以關左廚房洗手盤既水 , 一係話擰盡左都係有水流既 , 一係話水閘總制其實用黎控制出水量"


"你唔駛再講 , 總之你答我 室內水閘總制 既功能係乜 ? "


職員答 : "閘水"


我 : "依家閘唔到水 , 功能有問題 , 你約時間上黎整啦"


之後佢就無聲出....




浴缸龍 頭同去水位唔同方向

佢基本上得二個答案 :

1) 示範單位已經係咁裝 , 功能無問題 , 係唔會維修


or


2) 龍頭出到水 , 去水去到水 , 功能無問題 , 係唔會維修

好啦 , 我地就逐點傾

>>1) 示範單位已經係咁裝 , 功能無問題 , 係唔會維修

示範單位如果玻璃有裂痕 , 咁樣我地間屋係未玻璃有裂痕都唔整 , 示範單位錯 , 唔代表我地要接受呢個 錯

如果你要講示範單位 , 我就同你講示範單位 , 示範單位d 牆有無灣灣曲曲 ? 既然無 , 點解我地d 單位會灣灣曲曲

如果你要我接受示範單位既浴缸龍頭同去水位唔同方向 既話 , 你就同我執返牆身唔好灣灣曲曲 , 你揀 , 浴缸 or 牆身 ?


>>2) 龍頭出到水 , 去水去到水 , 功能無問題 , 係唔會維修

唔 好同我玩混淆視聽 , 分清楚係三樣野 :

i) 龍頭


ii) 去水


iii) 浴缸


龍頭出到水 , 去水去到水係 i ) 同 ii) 無問題 , 我依家係講緊 iii)

係 iii) 浴缸功能有問題 , 唔可以趟下! 唔好分散我注意力!

我今日同佢既對話係 :

職員 : "關於個浴缸..."


我 : "得啦 , 你唔駛講 , 我知你想講乜 , 你話示範單位係咁 , 功能無問題 , 跟住你又會講 龍頭出到水 , 去水去到水 , 功能無問題"


"我依家同 你講 龍頭出到水 , 去水去到水 係龍頭同去水無問題 , 我依家係講緊浴缸"


"咁樣我問你 , 浴缸同企缸既分別"


佢唔 答... 我未自問自答lor....


"企缸 係企係度沖涼 , 浴缸係瞓係度沖涼 , 依家我瞓唔到係度沖涼 , 浴缸功能有問題 , 你明唔明"


職員 "其實示範單位呢..." (佢都未開始講 , 我就打斷左佢)


我 : "我知你想講乜 , 你話示範單位都係咁裝, 你唔好癲啦 , 如果示範單位玻璃窗裂左 , 係未代表


我個單位既玻璃窗裂左你都唔整呀 "


職員 : "其實我都係傳話既啫"


我 : "我都知你打份工啫 , 不過你d 答案都係令我好忟lor"