星期二, 7月 20, 2010

邊個係庄 邊個係閒 ?

早二日 , 遇到叠翠軒上一輩猛人 Teresa So
(佢係邊個 , 未係個份 夾心階層住屋 將軍澳叠翠軒收樓檢驗程序議書 既作者lor , 第一批企出黎爭取權益 , 遊行上街)

原來佢係4座低層 , 係電梯度遇到一班岩岩去完我屋企參觀既C Hing , 傾開就自然提起我 , 跟住我就打電話同佢傾左好耐...

佢覺得我地好似佢地12年前咁 , 未收樓就已經聚埋一齊 , 一齊抗爭爭取應有權益
不過 , 佢話12年前 , 佢地既待遇同我地好唔同 :

12年前 , 佢地係庄 房協係閒 咁 , 12年前 , 有一半一撻訂 , 所以到最後 , 佢地係可以少少野 , 房協都即刻換俾佢 , 例如打去 , 就咁話隻門花左 , 房協就叫你去領隻新門

不過 , 依家完全相反 , 好似 房協係庄 我地係閒 , 因為我地個個既心態係真好彩 , 咁都仲買到夾屋 ,有乜野都吞聲忍氣咁接受

加上房協既手段高明 , 一開始就要我地簽左個份 承諾書 , 係我地既心裡面已埋下底線 , 要我地知道 , 有d 野係唔會換 , 你地唔好嘈啦.....

對我而言 , 手工奇差 , 都可以用傢俬遮遮掩掩 , 不過底線係間屋一定唔可以有結構性問題 , 例如天花批盪剝落露出鐵锈(小弟間屋既主人房廁所天花就係有咁既情況) , 外牆 , 窗邊滲水 , 屋內總閘水制不能閘水

呢 d 問題 , 我地一步都唔可以退.

房協依家發現 外牆 , 窗邊滲水 , 一開始一定唔肯係外面搭柵維修 , 係室內伸手可及既地方o即 玻璃膠就算 , 如果見到 窗邊滲水, 浸到塊窗台木板隆起 , 就油油就算

外面滲水 . 就室內o即 玻璃膠 , 根本唔係解決問題 , 最終一定要迫令房協要係外面搭柵維修 , 否則後患無窮...

我既情況仲好笑 , 主人房廁所天花批盪剝落露出鐵锈 , 佢話C Fu 上黎批灰油油就算 , 唔係呀 , 點都用炮打到去石屎 , 再磨番鐵锈 , 做返防锈 先批灰啦

依家房協越黎越過份 , 有C Hing \ C 姐反映 , 佢地掀起窗台木板 , 已經滲水霉晒 , 房協入黎 , 睇完之後連塊木板(證據) 都"幫" 佢掉左 , 十分過份. (俾著我我一定報警 , 我200幾萬買層樓 , 就包埋塊木板 , 佢係我既財產 , 佢點解可以入屋掉左我既野 ????)

0 回應:

發佈留言