地台去水 與 水閘問題

地台去水 與 水閘問題

今日越諗越唔妥 , 房協d 解釋越諗越過份

先講水閘 :

房協到今日為止 (22/7/2010) 都繼續有向個別要求維修水閘既業主講 , 呢個水閘既作用係用黎控制出水量 , 如果出水太猛 , 可以較細d , 又話可以叫管理處上黎 , 關埋個水錶個制(你就問下可唔可以俾水錶房既鎖匙你keep lor ,水錶房係鎖左既) , 咁樣一樣可以關晒全屋既水

房協既職員 , 好心你地啦 , 你夠膽既 , 就黑紙白字覆我 , o個個水閘既作用係用黎控制出水量 , 我敢講 , 如果你夠膽咁覆 , 一定成為各份報紙既頭條 , 咁既籍口都講得出 ?

有位保險既朋友同我講過 , 有個Case自己室內總水閘壞左 , 唔整 , 結果有廁所爆水喉 , 浸緊出走廊 (理論上開左間屋既總水閘 , 就解決左) , 打落去管理處 , 就係咁岩無人聽 , 結果浸壞左架Lift , 邊個賠 ?

另一個問題 , 房協既職員又會同你講 , 上面個二個角閥 (鵝蛋形)既 , 一樣可以閘水 .

係呀 , 咁樣裝修期間 , 點樣將個二個角閥拆落黎換呀? (老實講 , 個鵝蛋形既角閥 , 真係好樣衰 , 唔換唔得...) 係未野野打落去管理處呀

依家房協已經幫我換左個水閘制 , 解決左個問題 , (唔止我 , 仲有其他C Hing 都有換) , 不過如果業主第一次上報 , 多數耍你地

如果各位仲遇到房協既職員再咁樣解釋去"耍"你地 , 請大家記低同佢對話既日期 , 時間 , 同埋個位職員既姓名 , 再e-mail 俾我地 ,有埋對話錄音仲好 , 我地自然有人會做野.

再講地台去水 :

各位業主 , 唔好諗都諗住大裝 , 地台去唔到水 , 未裝修個陣時 , 叫C Fu 攪lor
但係你地諗吓 , 如果係根本屋外條去水喉同地台太過平 , 唔夠斜去水 , 咁樣你室內點裝修 , 都去唔到水啦

到時邊個去搭棚整出面條喉呀 ?

因為已經有C 妹成功爭取到 , 係defect list 內提出地台去唔到水 , 房協先將地台去水位既地磚換左 , 嘗試整斜 d 個地台 , 結果都去唔到水 , 房協最後係要搭棚整出面條喉

Posted in: Building,Complain,Story,View